Kostnaður við viðhaldsdýpkun Landeyjahafnar árið 2025 nam 600,3 milljónum króna og var allur innan samnings, án aukaverka. Þetta kemur fram í svari G. Péturs Matthíassonar, upplýsingafulltrúa Vegagerðarinnar, við fyrirspurn Eyjafrétta.

Til samanburðar nam kostnaður við dýpkun árið 2024 um 529 milljónum króna á verðlagi þess árs. Samkvæmt eftirfylgniskýrslu Ríkisendurskoðunar nam heildarkostnaður vegna viðhaldsdýpkunar á tímabilinu 2021–2024 tæpum 1,7 milljörðum króna, sem undirstrikar þann umtalsverða kostnað sem fylgir rekstri hafnarinnar.

Útboð vegna áframhaldandi viðhaldsdýpkunar stendur nú yfir, en G. Pétur segir að verið sé að fara yfir tilboðin og ekki sé hægt að veita frekari upplýsingar á þessu stigi. Ekki liggur því enn fyrir hvenær niðurstöður verða kynntar né hvort öll tilboðin sem bárust teljist gild.

Tilboð langt undir áætlun í dýpkun Landeyjahafnar

Sjótækni ehf. á Tálknafirði átti lægsta tilboðið í viðhaldsdýpkun Landeyjahafnar á árunum 2026 til 2029 þegar tilboð voru opnuð í dag, 10. febrúar. Tilboð fyrirtækisins hljóðaði upp á tæpa 1,19 milljarða króna og er það umtalsvert undir kostnaðaráætlun verkkaupa. Vegagerðin óskaði eftir tilboðum í verkið, en gert er ráð fyrir að dýpka þurfi á bilinu […]