Kvennalið ÍBV í fótbolta lék sinn þriðja leik A-deild Lengjubikars kvenna í dag, þegar þær heimsóttu Fram á Lambhagavöllinn. Leiknum lauk með 1-1 jafntefli. Framkonur tóku forystuna í leiknum á 60. mínútu en hin unga og efnilega Milena Michaela Patru jafnaði leikinn fyrir ÍBV tíu mínútum fyrir leikslok. Allison Clark átti sendingu inn fyrir vörn Fram, í gegn á Milenu, sem skoraði af miklu öryggi.

Þetta er þriðji leikurinn í röð sem Milena, sem er aðeins 15 ára gömul, skorar fyrir ÍBV en hún kom Eyjakonum yfir gegn Val í síðustu umferð Lengjubikarsins. Valskonur hins vegar svöruðu með þremur mörkum og unnu 3-1 sigur. Þá skoraði hún tvö mörk gegn Tindastól í 16-0 sigri. Eyjakonur eru með eitt stig eftir tvo leiki, þar sem Tindastóll hefur dregið sig úr keppni.

Næsti leikur ÍBV í Lengjubikarnum er gegn Víking Reykjavík, sunnudaginn 1. mars.

Staðan í riðli 2 Í A-deild: