Eyjamaðurinn Arnór Viðarsson var bestur í tapi Karlskrona gegn Amo í sænsku úrvalsdeildinni í handbolta í gærkvöld. Arnór skoraði átta mörk úr níu skotum og gaf að auki fjórar stoðsendingar. 

Amo reyndust sterkari í leiknum og unnu fimm marka sigur, 34-39. Karlskrona er í hörkubaráttu um sæti í úrslitakeppninni en þeir sitja í 9. sæti deildarinnar en Onnereds sem er í sætinu fyrir ofan er með jafn mörg stig. Amo er í 10. Sæti. Átta efstu liðin fara í úrslitakeppnina.

Arnór og félagar eiga mikilvægan leik fyrir höndum í síðustu umferð deildarinnar, gegn Guif, en þurfa að treysta á hagstæð úrslit hjá Onnereds gegn Savehof. Lokaumferðin fer fram miðvikudaginn 25. mars.