Þórunn Sveinsdóttir VE kveður Eyjar

Eyjafréttir
·
Vinnslustöðin
·
22. mars 2026

Ritstjórn

frettir@eyjafrettir.is

Þórunn Sveinsdóttir VE 401 hefur nú lagt úr höfn í Vestmannaeyjum áleiðis til Færeyja, þar sem skipið verður afhent nýjum eigendum, Loðnuvinnslunni á Fáskrúðsfirði. Greint er frá þessu á vef Vinnslustöðvarinnar í dag. Fréttina má lesa hér að neðan.

Það voru stór tímamót í útgerðarsögu Vestmannaeyja í dag, sunnudaginn 22. mars 2026, þegar Þórunn Sveinsdóttir VE 401 lagði í hann áleiðis til Færeyja, þar sem skipið verður afhent nýjum eigendum, Loðnuvinnslunni hf. á Fáskrúðsfirði.

Við komuna til Færeyja fer skipið í slipp og verður þá strax afhent Loðnuvinnslunni. Til stendur að taka upp gír skipsins sem mun jafnframt fá nafnið Ljósafell SU 70.

Þórunn Sveinsdóttir VE hefur verið hluti af flota VSV í tæp 3 ár eða frá árinu2023, þegar VSV keypti Útgerðarfélagið Ós ehf. Skipið hefur í alla staði reynst vel og skilað góðum afla. Auk venjulegra veiða, hefur Þórunn sinnt rannsóknarverkefnum fyrir Hafrannsóknarstofnun, bæði að hausti og vori.

Útgerðarfélagið Ós ehf var stofnað árið 1969 af feðgunum Óskari Matthíassyni og Sigurjóni Óskarssyni og fjölskyldum þeirra. Útgerðarsaga þeirra er hins vegar talsvert lengri og nær aftur til ársins 1946, þegar Óskar Matthíasson keypti fyrsta bát sinn, Nönnu VE 300.

Útgerð fyrstu Þórunnar Sveinsdóttur VE, sem var vertíðabátur, hófst árið 1971 þegar hún kom nýsmíðuð frá Stálvík í Garðabæ. Árið 1991 kom önnur nýsmíði Ós til Eyja, skuttogari smíðaður á Akureyri, sem bæði var gerður út á sjófrystingu og ísfisk. Þriðja skipið, sem nú kveður Eyjaflotann var svo smíðað fyrir Ós árið 2010 í Danmörku, öflugt og nútímalegt skip sem enn stenst samanburð við nýrri skip.

Útgerðar- og skipstjórnarsaga Sigurjóns Óskarssonar er einstök saga velgengni og gæfu. Sigurjón aflaði ávallt vel og var ellefu sinnum aflahæstur á vetrarvertíð í Vestmannaeyjum. En gæfa hans felst þó jafnvel ennfremur í því að hafa á ferli sínum bjargað áhöfnum 4 skipa, alls 27 mönnum.

Það er eftirsjá að þessu góða skipi en um leið er gott að vita til þess að það verður í góðum höndum hjá þeim Fáskrúðsfirðingum. Vinnslustöðin óskar Loðnuvinnslunni til hamingju með skipið og megi gæfan fylgja því hér eftir sem hingað til!

Fleiri myndir frá því í dag má sjá hér.

Nýjustu fréttir

Áhugavert

Þingnefnd boðar opinn fund um stöðu samgangna til Eyja

Matur

Hákon Már Örvarsson gestakokkur á GOTT

Íþróttir

Allt undir í Eyjum – ÍBV þarf sigur

Aðsend grein

Árangurinn liggur fyrir – Höldum áfram

Herjólfur

Siglt til Þorlákshafnar

Fréttir

Island Adventures opnar í Eyjum

Íþróttir

Tanja Harðardóttir í lokahóp u-16 fyrir Opna Evrópumótið

Samgöngur

Dýpkun, bilun og bruninn í Hollandi setja mark sitt á Herjólf

Mest lesið

viðburðir

22. maí 2026

18:00

MATEY Seafood Festival

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Ritstjórn

frettir@eyjafrettir.is

Nýjustu fréttir

Góð ráð fyrir siglingu

Sjóveiki