Knattspyrnudeild ÍBV hefur samið við serbneska leikmanninn Filip Stuparevic. ÍBV greindi frá á samfélagsmiðlum sínum í gær.

Filip er 25 ára framherji og kemur með reynslu víða úr Evrópu. 

Í tilkynningunni segir ,,Filip hefur meðal annars spilað með FK Vozdovac, FK Metalac, FK Pribram, NK Domzale, Greenock Morton og Motherwell FC. Hann hefur gott orð af sér sem góður markaskorari á sínum yngri árum í Serbíu og víðar. 

Þar segir einnig ,,Þjálfari ÍBV, Alaksandar Linta, vann með honum á hans yngri árum og ætti því að þekkja kosti hans og galla. Við bjóðum Filip velkomin til Eyja og óskum honum alls hins besta í Bestu deildinni í sumar”. 

ÍBV hefur leik í 32-liða úrslitum Mjólkurbikarsins á morgun, laugardag, þegar þeir taka á móti Þrótti Reykjavík á Hásteinsvelli kl. 12:00.