Nú styttist í að skólastarf hefjist á ný í Grunnskóla Vestmannaeyja eftir sumarfrí. Undirbúningur fyrir nýtt skólaár er á lokametrunum og á mánudaginn mæta nemendur á ný til leiks.

Skólasetning 2.–10. bekkjar

Skólasetning fyrir nemendur í 2.–10. bekk fer fram í Íþróttahúsinu mánudaginn 24. ágúst klukkan 10:30. Foreldrar nemenda í 2.–6. bekk mæta svo með börnum sínum í stofur að skólasetningu lokinni.

Skóli samkvæmt stundatöflu hjá nemendum í 2.–10. bekk þriðjudaginn 25. ágúst.

1. bekkur

Mánudaginn 24. ágúst fara fram einstaklingsfundir hjá nemendum í 1. bekk. Umsjónarkennarar senda foreldrum tölvupóst með upplýsingum um tímasetningu fundanna.

Þriðjudaginn 25. ágúst klukkan 8:30 fer síðan fram skólasetning og stuttur foreldrafundur fyrir 1. bekk í sal Hamarskóla.