ÍBV íþróttafélag og ítalska íþróttavörumerkið Macron hafa gert með sér samstarfssamning. Félagið hefur undanfarin ár leikið í Nike búningum en mun nú færa sig yfir í Macron.

Fram kemur á heimasíðu ÍBV að framundan eru spennandi tímar þar sem gæði, metnaður og glæsileg hönnun mætast. Macron mun sjá fyrir æfinga- og keppnisfatnaði á komandi tímabilum hjá félaginu. Þjónustan við yngri flokka mun vera í heimabyggð og fara í gegnum VM (Vinnuföt og merkingar) á Skólavegi 6.