Opið fræðsluerindi um heilabilun og samskipti verður haldið í Akóges á morgun, þriðjudaginn 1. september klukkan 18:00.

Á erindinu verður fjallað um þær breyttu aðstæður og áskoranir sem geta fylgt heilabilun. Markmiðið er að auka þekkingu og skilning á málefninu auk þess að veita hagnýtar hugmyndir sem geta stuðlað að bættum samskiptum og samveru einstaklinga með heilabilun og aðstandenda þeirra. Þá verður einnig komið inn á mikilvægi opinnar umræðu til að draga úr fordómum í samfélaginu.

Thelma Jónsdóttir, fræðslustjóri samtakanna, og Ásta Kristín Guðmundsdóttir ráðgjafi sjá um fræðsluna.

Erindið er öllum opið, jafnt einstaklingum með heilabilun, aðstandendum þeirra, fagfólki og öðrum áhugasömum.