Veðurstofa Íslands hefur gefið út gula viðvörun vegna suðaustanhvassviðris á Suðurlandi. Viðvörunin gildir frá klukkan 05:00 til 09:00 í fyrramálið, mánudaginn 21. september. Einnig hefur verið gefin út gul viðvörun á Faxaflóa af sömu ástæðu.

Spáð er suðaustan 13–23 metrum á sekúndu og vindhviðum allt að 30–35 metrum á sekúndu undir Eyjafjöllum og austur að Mýrdal.

Veðurstofan segir aðstæður geta orðið varasamar fyrir ökutæki sem viðkvæm eru fyrir vindi. Fólk er jafnframt hvatt til að huga að lausamunum utandyra. Nánari upplýsingar má finna á vef Veðurstofu Íslands.

Þessu tengt:

Ákvörðun um höfn tekin klukkan sex í fyrramálið

Ákvörðun um hvort Herjólfur sigli til Landeyjahafnar eða Þorlákshafnar mánudaginn 21. september verður tekin klukkan 06:00 í fyrramálið, þegar nýjasta ölduspá liggur fyrir. Brottför verður frá Vestmannaeyjum klukkan 07:00 og frá annaðhvort Landeyjahöfn eða Þorlákshöfn klukkan 10:45. Ferðir klukkan 08:15 og 09:30 falla niður, segir í tilkynningu frá Herjólfi ohf. Þar segir jafnframt að fulltrúar […]