Ákveðið hefur verið að flýta seinni ferð Herjólfs í dag vegna versnandi veðurspár þegar líður á kvöldið. Þetta kemur fram í tilkynningu frá skipafélaginu.

Brottför frá Vestmannaeyjum verður kl. 15:00 í stað kl. 16:00 og frá Þorlákshöfn kl. 18:30 í stað kl. 19:45.

Í tilkynningunni segir að ákvörðunin sé tekin með hagsmuni farþega og áhafnar í huga, í von um að siglingin verði þægilegri fyrir alla. Skipafélagið óskar eftir skilningi farþega á breytingunni.

Áfram siglt til Þorlákshafnar

Herjólfur siglir til Þorlákshafnar þar til annað verður tilkynnt. Samkvæmt almennri áætlun eru brottfarir frá Vestmannaeyjum kl. 07:00 og 16:00 og frá Þorlákshöfn kl. 10:45 og 19:45. Seinni brottför hefur þannig verið færð frá kl. 17:00 í Vestmannaeyjum og frá kl. 20:45 í Þorlákshöfn. Í dag gilda þó fyrri brottfarartímarnir, kl. 15:00 og 18:30.

Þá segir í tilkynningunni að dýpið í Landeyjahöfn hafi minnkað töluvert undanfarna daga og aðeins sé hægt að sigla til og frá höfninni við kjöraðstæður.

Hér fyrir neðan má sjá mynd af nýjustu dýptarmælingu við Landeyjahöfn.