Dýpi í Landeyjahöfn var mælt fyrr í kvöld og samkvæmt tilkynningu frá Herjólfi ohf. um siglingar vantar enn töluvert upp á að hægt sé að sigla þangað nema við kjöraðstæður.

Aðstæður til siglinga gætu þó skapast í fyrramálið. Ákveðið hefur verið að gefa út tilkynningu klukkan 06:00 um hvort siglt verði til Landeyjahafnar eða Þorlákshafnar fyrir hádegi á morgun.

Í tilkynningunni er áréttað að ávallt verði siglt til Landeyjahafnar þegar aðstæður leyfa.

Myndin sýnir nýjustu dýptarmælingu í Landeyjahöfn.