Handverks- og vörumarkaður Hallarinnar verður haldinn um helgina líkt og gert hefur verið undanfarin ár í nóvember. Markaðurinn verður opinn frá kl 13-17, laugardag og sunnudag og gefst gestum tækifæri til að kynna sér fjölbreytt úrval af handverki og vörum.

Markaðurinn hefur verið haldinn síðustu ár við góðar undirtektir og hefur jafnan verið boðið upp á fjölbreyttan varning svo sem skartgripi, fatnað, myndir, kerti, jólaskraut, snyrtivörur og ýmsar gjafavörur.

Áhersla er lögð á sölu handverks og vara en markaðurinn er ekki ætlaður fyrir sölu á notuðum munum.

Líkt og undanfarin ár verður einnig boðið upp á kaffihúsastemningu á pallinum í Höllinni þar sem hægt verður að kaupa vöfflur og annað góðgæti.