Hringrásarhagkerfi og fleira bull
Ragnheiður Sveinþórsdóttir

Hverjir tóku eftir fréttum hérna í Eyjum um nýsamþykkt lög um hringrásarhagkerfi og að núna þurfum við Eyjamenn að spýta í lófana og græja nýja aðstöðu ekki seinna en í gær? Hver er að hlusta á allt þetta tal um sjálfbærnistefnur og Heimsmarkmið Sameinuðu þjóðanna og bættan rekstur sveitarfélaga þegar þau fara að fylgja öllum þessum bullorðum?

En er þetta bull? Hvernig væri bara að þeir sem stjórna útskýri kannski öll þessi nýyrði fyrir okkur hinum og hvernig við öll högnumst á aukinni þekkingu og verðum kannski enn betur í stakk búin til að taka þátt og leggja okkar af mörkum þegar allt þetta nýja verður innleitt? Eða kannski bara ef við verðum besta sveitarfélagið þegar þar að kemur?

Til að setja þetta á mannamál þá þýðir sjálfbærni að við lifum lífinu okkar á þann hátt að við höfum það sem við þurfum en á sama tíma pössum við að næstu kynslóðir hafi það líka; að við tökum ekki meira af auðlindunum okkar en að þær geti endurnýjað sig fyrir börnin og barnabörnin okkar.

Hringrásarhagkerfi er þegar við pössum að nota aftur eða enduvinna hlutina okkar og hendum sem minnstu í almennt sorp. Að við reynum að gera við og/eða nota lengur þá hluti sem við verslum og þegar við þurfum að henda ruslinu okkar þá getum við endurunnið það.

Þegar við vinnum eftir Heimsmarkmiðum Sameinuðu þjóðanna þá tökum við skref í átt að sanngjarnari heimi. Heimsmarkmiðin vilja útrýma fátækt og vilja aðgang að vatni fyrir alla, jafnrétti og menntun, aðgerðir í loflagsmálum og bara alls konar sem er gott fyrir okkur öll. Þessi markmið eru einstaklega metnarfull og Ísland er af fullum krafti að innleiða þau í sinni stjórnsýslu.

Hvar stöndum við svo hérna í Vestmannaeyjum? Við ætlum að græja betra aðgengi til að henda rusli! Hefur engum dottið í hug að byrja á hinum endanum?

Vestmannaeyjabær er einn stærsti vinnustaður sveitarfélagsins og við höfum ekkert heyrt af því að byrja á fræðslu fyrir starfsfólkið, eða innkaupastefnu sem minnkar sóun og þar af leiðandi minnkar ruslið frá bænum. Er bærinn búinn að setja sér mælanlega kvarða til að vita þegar við gerum betur í umhverfismálunum? Afhverju er Kópavogur kominn lengst í þessari vinnu en ekki Vestmannaeyjar?

Við getum hiklaust gert betur. Horfum á hringrásarhagkerfið sem hringrás en ekki endastöð og byrjum á byrjuninni þegar við skipuleggjum hvað við þurfum og hvernig við ætlum að nota það. Nýtum verkfærakistu Heimsmarkmiða Sameinuðu þjóðanna þegar við horfum í stefnur og áætlanir bæjarins og stofnana hans til að verða betri í heiminum. Verum sjálfbær fyrir börnin og barnabörnin okkar og miðlum þekkingunni fyrst í bænum og svo út fyrir bæinn okkar. Mig langar að við verðum best og hérna er upplagt tækifæri fyrir okkur öll til að verða best sem samfélag og skara fram úr bæði á lands- og heimsvísu.

Vestmannaeyjar – verðum best.
Ragnheiður Sveinþórsdóttir
Sækist eftir 2-4 sæti í prófkjöri Sjálfstæðisflokksins í Vestmannaeyjum

Nýjustu fréttir

Áhugavert
Útboð Vestmannaeyjabæjar um heilsurækt aftur til kærunefndar
Myndband
Myndband frá höfninni: Steðji VE landar
Aðsend grein
Að loknu prófkjöri
Úr blaði Eyjafrétta
Bærinn eignfærir lögfræðikostnað  
Íþróttir
ÍBV tapaði gegn Haukum
Fréttir
Bæjarráð hafnar bótakröfu vegna gatnagerðar við Alþýðuhús
Úr blaði Eyjafrétta
Laxey rís í Vestmannaeyjum
Íþróttir
Arnór bestur í tapi Karlskrona
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.