Stjórnsýslu- og fjármálasvið (bæjarskrifstofan) hefur komið sér fyrir og hafið starfsemi í Ráðhúsinu. Frágangur á 2. og 3. hæð er langt kominn, en eftir er að mála húsið að utan og ljúka framkvæmdum á 1. hæð hússins, þar sem umhverfis- og framkvæmdasvið (tæknideildin) verður staðsett.

Búið er að koma fyrir rampi að öðrum af tveimur inngöngum hússins. Jafnframt er búið að setja bráðabirgðahandrið að efri inngangi Ráðhússins.

Til stendur að opna húsið fyrir viðskiptavini á morgun, miðvikdaginn 13. júlí nk. Opið verður á hefðbundnum opnunartíma frá 8:00-15:00 mánudaga til fimmtudaga og 8:00-13:00 á föstudögum.

Einnig er hægt að ná í starfsfólk bæjarskrifstofanna í síma 488 2000 eða senda tölvupóst á starfsfólk sviðsins.

Þegar frágangi að utan og á 2. og 3. verður að mestu lokið síðar í sumar, stendur til að hafa húsið til sýnis fyrir bæjarbarbúa og verður það auglýst þegar nær dregur.