„Í það heila verða hátt í fjörutíu manns að störfum hjá okkur í lögreglunni um þjóðhátíð. Fólk sem gengur vaktir, rannsóknarlögreglumenn og fíkniefnaeftirlit með þrjá hunda. Sautján koma frá okkur og um tuttugu koma hingað til starfa frá öðrum embættum.

Maður gerir sér grein fyrir því, sama hvar það er að þegar mikill fjöldi kemur saman fylgja því verkefni sem þarf að leysa. Það þýðir ekkert að hafa áhyggjur, við erum vel undirbúin og afgreiðum þau mál sem upp koma eins og til er ætlast,“ segir Grímur Hergeirsson, lögreglustjóri í Vestmannaeyjum í m.a. viðtali í Eyjafréttum sem komu út í dag.

Grímur Hergeirsson, lögreglustjóri, Tryggvi Kr. Ólafsson, lögreglufulltrúi og
Heiðar Hinriksson rannsóknarlögreglumaður.