VSV Finland Oy – Nýtt dótturfélag í Helsinki

Vinnslustöðin hefur stofnað dótturfélagið VSV Finland Oy og ráðið til þess finnskt starfsfólk sem aflað hefur sér reynslu og þekkingar á innflutningi á eldislaxi og markaðssetningu, sölu og dreifingu laxins í Finnlandi og í Eystrasaltsríkjunum.

VSV Finland Oy er með bækistöð í Helsinki (sbr. meðfylgjandi mynd) og hefur þegar tekið starfa. Framkvæmdastjóri er Mika Jaaskelainen, áður framkvæmdastjóri Kalatukku E. Eriksson, sölufyrirtækis sjávarafurða í Finnlandi.

Meginverkefni VSV Finland verður að flytja inn fisk og sjávarfang frá Íslandi og öðrum norrænum ríkjum til sölu og dreifingar í Finnlandi og á öðrum mörkuðum í Evrópu.

– Að gefnu tilefni, Sigurgeir B. Kristgeirsson framkvæmdastjóri Vinnslustöðvarinnar: Tvennt hlýtur að vekja athygli í þessari frétt um finnska dótturfélagið, annars vegar það að starfsmenn ykkar í Helsinki eru sjóaðir í sölu á eldislaxi og hins vegar að þarna er líka talað um dreifingu/flutninga á afurðum.

Er Vinnslustöðin að fara að inn á nýjar brautir í starfsemi sinni með dótturfélaginu í Finnlandi?

„Að nokkru leyti, já. Undirverktakar sjá vissulega um flutningastarfsemina en hvað eldislaxinn varðar þá hefur Vinnslustöðin hvorki komið nálægt laxi né laxaafurðum fyrr en nú. Þarna kom einfaldlega spennandi tækifæri upp í hendurnar á okkur og meðbyrinn er framar vonum strax í upphafi.

Þetta snýst auðvitað um viðskipti með lax en ekki að Vinnslustöðin sjálf sé á leið í laxeldi. Starfsmenn VSV Finland Oy koma til okkar með viðskiptasambönd sem felast í því að kaupa eldislax í Noregi og selja í Finnlandi og Eystrasaltsríkjunum. Þarna eru vissulega nýir snertifletir sem okkur þykir mjög áhugavert að vinna með og augljóslegar eru miklir möguleikar í laxeldinu, atvinnugrein sem er alls staðar í mikilli sókn og örum vexti.

Sérlega ánægjulegt og áhugavert er svo það að við finnum fyrir miklum áhuga í Finnlandi fyrir samstarfi við að kaupa og selja fisk. Það þykir mikill fengur að því að fá öflugt íslenskt sjávarútvegsfyrirtæki inn á finnskan markað með þessum hætti.

Dótturfélagið okkar hefur einungis verið starfrækt í fáeina daga en samt hafa margir haft samband. Greinilegt er að það hefur farið víða að við værum að stofna til þessa félags með þekktu og reynsluríku fólki í viðskiptum með fisk og fiskafurðir. Óvenjulegt er að hefja starfsemi á nýju markaðssvæði og fá svona sterk viðbrögð þegar í stað.“

Nýjustu fréttir

Fréttir

Styttist í að sundlaugin opni

Aðsend grein

Segjum það sem við getum staðið við

Áhugavert

Guðrún Erlings lætur fimmtán ára draum rætast

Aðsend grein

Framtíðin er í okkar höndum

Aðsend grein

Flugútboð til Eyja

Aðsend grein

Óásættanlegt ástand í Landeyjahöfn

Aðsend grein

Mokstur á þjóðveginum til Vestmannaeyja

Íþróttir

ÍBV fær ÍR í heimsókn

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki