Knattspyrnukonan Sigríður Lára Garðarsdóttir hefur ákveðið að leggja knattspyrnuskóna á hilluna frægu. Hún greindi frá þessu í færslu á Facebook síðu sinni rétt í þessu.

Tilkynninguna má lesa hér að neðan:

ÉG hef tekið þà erfiðu ákvörðun að leggja knattspyrnuskóna á hilluna. Eftir ráðleggingar frá lækni finn ég að það er kominn tími til að hlusta á líkamann og setja heilsuna í fyrsta sæti.
Fótboltinn hefur verið mér allt frá því ég var lítil og hefur hann gefið mér svo margt. Ég hef kynnst frábærum liðsfélögum, þjálfurum og starfsfólki sem hafa hjálpað mér í að verða betri knattspyrnukona og manneskja. Þetta fólk á allar mínar þakkir fyrir að nenna mér
Ég lít stolt til baka yfir ferilinn minn og hlakka til að taka brosandi á móti því sem koma skal.
Takk fyrir mig