Fyrir Þjóðhátíðarleik ÍBV og Njarðvíkur þann 3. ágúst síðastliðinn afhenti Ólafur Thordersen, fyrir hönd UMFN, forsvarsmönnum ÍBV mynd sem minntist tímans sem Eyjamenn höfðu Njarðvíkurvöll fyrir heimavöll árið 1973, í kjölfar eldgossins í Heimaey. Tekið var vel í þetta skemmtilega framtak.

Töpuðu aðeins einum leik

Er fram kemur í færslu á Facebook-síðu Knattspyrnudeildar Njarðvíkur þá var Njarðvíkurvöllur hálfgerð „mekka“ fyrir Eyjafólk þetta sumarið þar sem það fjölmennti á leiki ÍBV og voru margir sem komu langar vegalengdir.

Liðið varð einskonar sameiningartákn Eyjamanna sem töpuðu aðeins einum leik á vellinum en það var gegn nágrönnunum í Keflavík.