Apríl Aglow samveran verður í kvöld 2.  apríl  kl. 19.30 í safnaðarheimili Landkirkju. Það styttist í páska og verður hátíðlegra yfirbragð yfir fundinum.  Við munum eiga gott samfélag saman, byrjum með góðum veitingum, syngum saman  og  heyrum uppörvandi boðskap. Þóranna M. Sigurbergsdóttir talar til okkar, hún dvaldi í Keníu í janúar og febrúar og fór í ferð um landið í mars og dvaldi rúma viku á Vopnarfirði. Hún mun segja frá ýmsu frá Afríku og fjalla um upprisuvonina og horfa til þeirrar gleði sem við eigum í Drottni.  ,,En þeir sem vona á Drottinn fá nýjan kraft, þeir fljúga upp á vængjum sem ernir, þeir hlaupa og lýjast ekki, þeir ganga og þreytast ekki.” Jesaja 40.31

Stórt kvennamót verður haldið 25.- 26. apríl á Hótel Selfossi. Hópur kvenna kemur erlendis frá og konur víða af landinu mæta. Það er gefandi að fara og hitta aðra og þar verður góð lofgjörð, kennsla og samfélag. Allar konur velkomnar. Nánari upplýsingar og  skráning á Inspire Iceland 2025.

Síðasta Aglow samvera vetrarins verður 7. maí og verður hún auglýst nánar þegar nær dregur. Gleðilega páska !