Agnar Smári syngur inn gleðina hjá ÍBV
27. september, 2014
Íslandsmeistarar ÍBV mæta nýliðum Aftureldingar í Mosfellsbæ í dag í Olísdeild karla í handbolta. Eyjaliðið er nú í lokaundirbúningi fyrir leikinn en fyrr í dag var haldinn töflufundur, eins og yfirleitt er gert fyrir leiki. Agnar Smári Jónsson, hægri skytta liðsins byrjaði fundinn með �??góðri�?? upphitun þegar hann tók lagið í hátalarakerfi salarins þar sem fundurinn fór fram. Ekki verður lagður dómur á það hér hversu góður söngurinn var, betra að lesendur leggi mat á það sjálfir. En vonandi kveikir söngur Agnars Smára upp eldmóðinn í lið ÍBV sem var langt frá sínu besta í síðasta leik. Nýliðarnir hafa farið vel af stað, hafa unnið fyrstu tvo leiki sína á meðan ÍBV hefur gert jafntefli og tapað. Eyjamenn eiga ekki góðar minningar úr íþróttahúsinu í Mosfellsbæ enda tapaði liðið í 8-liða úrslitum bikarsins fyrir Aftureldingu á síðasta tímabili. Leikur liðanna hefst klukkan 15:00.

Mest lesið
viðburðir
Fylgstu með

Skráðu þig á fáðu nýjustu tilkynningar fyrst