Á fundi umhverfis- og skipulagsráðs Vestmannaeyja í byrjun vikunnar var lögð fram tillaga á vinnslustigi vegna breytinga á aðalskipulagi Vestmannaeyja 2015-2035 vegna baðlóns og hótels við höfða austan við Skansinn. Einnig var lögð fram tillaga að nýju deiliskipulagi sem felur í sér skipulag fyrir Skansinn, og hótel og baðlón á Skanshöfða auk umhverfismatsskýrslu áætlana.

Skipulagslýsing fyrir verkefnið var auglýst haustið 2021. Alls bárust 8 umsagnir. Gerð tillögu á vinnuslustigi hefur falið í sér tæknilegar útfærslur auk þess sem hugmyndir hafa þróast og tekið breytingum við nánari gerð skipulagsáætlana og hefur gerð tillögunnar því tekið nokkurn tíma.

Ráðið samþykkti fyrir sitt leyti að kynna á vinnslustigi skipulagáætlanir fyrir Skans og Skanshöfða vegna þróunar hótels og baðlóns og var málinu vísað til afgreiðslu bæjarstjórnar. Nánar verður fjallað um málið á næstu dögum hér á Eyjafréttum/Eyjar.net.