Karlalið ÍBV á enn eftir að spila gegn B-liði Hauka í 16-liða úrslitum Coca Cola bikarsins en leikurinn átti að fara fram í gær. Eyjamenn ætluðu að spila gegn FH í Olísdeildinni á laugardegi og gegn Haukum 2 daginn eftir en vegna ófærðar varð að fresta deildarleiknum til sunnudags. �?á gafst ekki tími til að spila bikarleikinn en nú hefur verið ákveðið að leikurinn muni fara fram á nýju ári, nánar tiltekið fimmtudaginn 16. janúar klukkan 20:00 í Hafnarfirði.