Þegar skólar byrja á haustin hefst baráttan við lúsina sem hefur stungið sér niður í unga kolla undanfarin ár. Tilfelli eru mismörg á milli ára en flest voru í Grunn­skóla Vestmannaeyja í fyrra, alls 38 tilfelli. Sum árin finnst engin lús. Ýmislegt hefur verið reynt til að losna við þessa óværu en með misjöfnum árangri. Ráðið er að foreldrar séu stöðugt á vaktinni og lúsakambur á að vera staðalbúnaður á öllum heimilum þar sem börn og unglingar eru.