�?að var rétt eftir klukkan hálf fjögur í nótt að lögreglu var tilkynnt um eld í Sæfellsbúinu sem stendur sunnarlega á Heimaey, talsvert utan við bæinn. Áður hafði lögreglan orðið vör við megna reykjarlykt sem lagðist yfir bæinn og var að leita að upptökunum þegar tilkynning barst um eldinn. Allt slökkvilið var þegar ræst út og að sögn lögreglu var mikill eldur húsinu þegar að var komið og mikinn reyk lagði yfir nágrennið.

Var hann það mikill að umsjónarmenn hesthúss á Lyngfelli, sem stendur rétt norðan við Sæfellsbúið, voru ræstir út til að huga að hestunum.

Slökkvistarfi lauk um klukkan sex og þá stóð húsið, sem er um 400 fm stálgrindarhús, uppi en ljóst er að það og allt sem inni í því var er ónýtt. Ekki hefur verið starfsemi í húsinu í fjögur ár en það hefur verið notað undir hjólhýsi, tjaldvagna og fleira. Núna voru þar gamall jeppi og búslóð og er hvoru tveggja gjörónýtt.

Ekki vitað um eldsupptök en rafmagn var á húsinu.