Breski knattspyrnumaðurinn Dean Edward Martin verður aðstoðarþjálfari Sigurðar Ragnars Eyjólfssonar, þjálfara knattspyrnuliðs ÍBV. Dean skrifaði undir þriggja ára samning við ÍBV en þessi reyndi knattspyrnumaður kom til Íslands árið 1995 og gekk í raðir KA. Hann hefur spilað um 300 leiki með bæði KA og ÍA en síðast var hann aðstoðarþjálfari hjá ÍA og lék jafnframt fjóra leiki með liðinu.

Atli Fannar Jónsson, ungur og efnilegur framherji skrifaði einnig undir tveggja ára samning hjá ÍBV. Atli Fannar kemur frá Breiðabliki en hann á að baki landsleiki með U-17 og U-19 ára landsliðum Íslands. Atli Fannar er 18 ára gamall.

�??Við erum afskaplega ánægðir með að fá Dean Martin til liðs við okkur Eyjamenn. Hann hefur mikla reynslu og þekkir íslenska knattspyrnu vel eftir að hafa leikið hér á landi í hartnær 20 ár með landsbyggðarliðunum KA og ÍA. Við væntum mikils af samstarfi þeirra Sigurðar Ragnars og Dean Martins. Við erum jafnframt í óða önn að vinna að leikmannamálunum og til marks um það skrifaði ungur og efnilegur framherji undir samning við ÍBV,�?? segir �?skar �?rn �?lafsson, formaður knattspyrnudeildar ÍBV í tilkynningu frá félaginu.