Draumar okkar sem ekki rættust

En þau eru fleiri störfin hjá ríkinu sem hafa horfið á braut, meðal annars Loftskeytastöðin sem lögð var niður.

Vestmannaeyjabær hefur því átt undir högg að sækja gagnvart ríkisvaldinu þar sem hugmyndir hafa verið uppi um enn frekari fækkun, til að mynda hjá lögreglunni en það tókst að verja þær. Fjöldi mála er í biðstöðu hjá bænum og lítið hefur frést af öðrum.

Hvar er Menningarhúsið?
Sex ár eru síðan málefni Menningarhúss komu fyrst inn á borð bæjaryfirvalda en samþykkt var á fundi bæjarráðs 15. maí árið 2000 að kanna aðkomu ríkisins að byggingu slíks húss. Hefur málið verið að velkjast í bæjarkerfinu síðan og enn hefur engin niðurstaða fengist. Ríkið samþykkti þó fyrr alþingiskosningarnar 2003 að leggja til fjármagn í 400 milljóna Menningarhús. Ríkið ætlaði að leggja 100 milljónir í safnhluta og 180 milljónir gegn 120 milljón króna framlagi bæjarins. Nefnd var lengi vel starfandi um Menningarhús en lítið hefur borið á henni síðustu misseri, alla vega frá því að meirihluti Andrésar Sigmundssonar og Vestmannaeyjalistans sprakk á viljayfirlýsingu Andrésar um kaup á Fiskiðjunni undir Menningarhúsið.

Var talað um trúnaðarbrest og hafði Andrés ekki leitað samþykkis samstarfsaðilanna áður en hann skrifaði undir. Engin ákvörðun hefur verið tekin um næstu skref en ýmsar hugmyndir hafa verið uppi. Árni Johnsen lagði fram róttækustu tillöguna sem fól í sér að grafa húsið inn í hraunið og gera það þannig einstakt en hugmyndir bæjaryfirvalda hafa verið frekar á þá leið að nýta það húsnæði sem til er í bænum og nú síðast voru uppi hugmyndir um að nýta húsnæði Ísfélagsins við Strandveg.


Brostnar vonir
Á síðustu sex árum hafa nokkrar hugmyndir og tillögur komið inn á borð bæjaryfirvalda um flutning á stofnunum ríkisins til Vestmannaeyja. �?rjú störf fengust þegar Fiskistofa opnaði útibú í Eyjum en nokkrum árum áður hafði fjórum starfsmönnum Loftskeytastöðvarinnar verið sagt upp eða þeim boðinn flutningur í nýjar höfuðstöðvar Vaktstöðvar siglinga í Reykjavík. Eins hefur verið samþykkt að hefja viðræður við einkaaðila um starfsemi í Eyjum.

Til að mynda var Guðjóni Hjörleifssyni, þáverandi bæjarstjóra, falið í byrjun árs 2000 að ræða við fulltrúa Íslenskrar erfðagreiningar um að hluti starfsemi fyrirtækisins yrði í Eyjum. Ekkert varð af því. Guðrún Erlingsdóttir, fyrrverandi bæjarfulltrúi V-listans, lagði fram tillögu í október árið 2000 um að hefja viðræður um að starfsemi Rannsóknarnefndar sjóslysa yrði flutt til Eyja. Ekkert varð af því.

Greinin birtist í heild sinni í Fréttum á morgun.

Nýjustu fréttir

Sjávarútvegur
Lagt til að ráðist verði í könnunarveiðar á humri
Fréttir
Vel heppnaðri loðnuvertíð lokið
Stjórnmál
Jón Þór leiðir lista Miðflokksins – Sæunn er bæjarstjóraefnið
Herjólfur
Fyrri ferð föstudags felld niður
Íþróttir
Elliði Snær markahæstur gegn Svíum
Fréttir
Laxey á Seafood Expo North America
Úr blaði Eyjafrétta
Trúin og andlegt starf styrkur í sorginni
Íþróttir
Heimir heldur áfram með Írland – samningur til 2028
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.