Í hádeginu í dag verður dregið í undanúrslitum í Visabikar karla og kvenna. ÍBV er í pottinum í kvennakeppninni en liðið lagði úrvalsdeildarlið Hauka að velli í 8-liða úrslitum síðasta föstudag. Þrjú af fjórum efstu liðum úrvalsdeildarinnar eru í pottinum með ÍBV en það eru Valur, Þór/KA og Stjarnan. Hlíf Hauksdóttir, miðjumaður ÍBV sagði eftir sigurinn gegn Haukum að óskadrátturinn væri að fá heimaleik gegn Val, sem hún lék með um tíma.