Enn tekist á um listaverk

Eyjafréttir
·
Almennt
·
7. maí 2024

Listaverk í tilefni 50 ára gosloka var til umfjöllunar á fundi bæjarráðs í liðinni viku.

Fram kemur í fundargerð að fyrir bæjarráði liggi tveir samningar og viljayfirlýsing. Samningur og viljayfirlýsing við menningar- og viðskiptaráðuneytið sem áður hafa verið kynntir bæjarráði, auk samnings við stúdío Ólafs Elíssonar.

Bæjarráð samþykkti með tveimur atkvæðum fulltrúa E og H lista gegn einu atkvæði fulltrúa D lista fyrirliggjandi samninga og viljayfirlýsingu og vísaði þeim til staðfestingar í bæjarstjórn.

„Ekki vilji hjá meirihlutanum að upplýsa bæjarbúa um framkvæmdina og ásýnd eða inngrip sem slík mannvirkjagerð mun hafa á Eldfell“

Í bókun frá Eyþóri Harðarsyni, fulltrúa D lista segir að undirritaður vísi í fyrri bókanir og umræður sem farið hafa fram um listaverkið. Það er þó ánægjulegt að samningur liggi fyrir til undirritunar tæplega ári eftir að listaverkið átti að verða tilbúið. Því miður er ekki vilji hjá meirihlutanum að upplýsa bæjarbúa um framkvæmdina og ásýnd eða inngrip sem slík mannvirkjagerð mun hafa á Eldfell. Til viðbótar samkvæmt fyrirliggjandi gögnum, þá virðist fjárhagslegur stuðningur við verkið ekki vera tryggður, ef verkið fer fram úr áætlun.

„Hafa fulla trú á því að umrætt listaverk verði bænum til sóma“

Í bókun frá Njáli Ragnarssyni og Jónu Sigríði Guðmundsdóttur, fulltrúum E og H lista segir að undirrituð ítreki að á þessum tímapunkti sé ekkert sem bendir til þess að ásýnd Eldfells eða náttúrunnar í kring verði raskað með óafturkræfum hætti enda á endanleg hönnun og útlit umrædds göngustígs og listaverksins alls eftir að fara í gegnum skipulagsferli áður en framkvæmdaleyfi verða gefin út. Þá mun stúdíó listamannsins kynna og vera í samstarfi við Vestmannaeyjabæ um framvindu verkefnisins eftir að samningur hefur verið undirritaður.

Ekkert hefur breyst varðandi fjármagn Vestmannaeyjabæjar í verkefnið sem samþykkt var samhljóða í bæjarstjórn haustið 2022 og er fjárhagsrammi verkefnisins skýr og bundinn í viljayfirlýsingu og samningum þar um. Undirrituð hafa fulla trú á því að umrætt listaverk verði bænum til sóma, segir í bókun meirihlutans.

https://eyjar.net/holdum-afram/

https://eyjar.net/stigandi-ahyggjur-listaverks/

https://eyjar.net/minnisvardinn-a-eldfelli-mikid-mannvirki/

Nýjustu fréttir

Fréttir

Karlar hvattir til að sýna handverk

Stjórnmál

Guðbrandur Einarsson segir af sér þingmennsku

Áhugavert

Mikill áhugi á Eyjagöngum

Aðsent

Saltfisksala hjá meistaraflokkum ÍBV

Íþróttir

ÍBV með mikilvægan sigur á ÍR

Fréttatilkynning

Kveikjum neistann: Jákvæðar vísbendingar

Aðsend grein

Hvattning til Eyjamanna

Vestmannaeyjabær

Heilsuefling starfsfólks fær aukið vægi

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

„Ekki vilji hjá meirihlutanum að upplýsa bæjarbúa um framkvæmdina og ásýnd eða inngrip sem slík mannvirkjagerð mun hafa á Eldfell“

„Hafa fulla trú á því að umrætt listaverk verði bænum til sóma“

Nýjustu fréttir

Góð ráð fyrir siglingu

Sjóveiki