Halldór B. Halldórsson tekur okkur að þessu sinni með í Gaujulund, fallegan sælureit í Nýja hrauninu. Í nýju myndbandi hans má sjá lundinn og umhverfi hans frá ýmsum sjónarhornum.

Saga Gaujulundar nær aftur til ársins 1988 þegar hjónin Erlendur Stefánsson og Guðfinna Ólafsdóttir, Elli og Gauja, hófu þar uppgræðslu og ræktun. Þá var enginn jarðvegur á svæðinu, heldur svart og gróðursnautt hraun og vikur. Með mikilli eljusemi breyttu þau dalverpinu í gróðursælan lund sem síðar fékk nafn Gauju.

Síðustu ár hafði lundinum lítið verið sinnt en vorið 2025 tók Renate Heisek til hendinni eftir að hafa séð þar tækifæri til að nýta græna fingur sína. Eyjafréttir fjölluðu um framtak hennar síðasta sumar.

Myndband Halldórs má sjá hér að neðan.