Herjólfur siglir til Þorlákshafnar fyrri hluta dags í dag þar sem ófært er til Landeyjahafnar vegna veðurs og sjólags. Brottför frá Vestmannaeyjum er klukkan 07:00 og frá Þorlákshöfn klukkan 10:45.

Ferðir klukkan 08:15, 09:30, 12:00, 13:15, 14:30 og 15:45 falla niður. Fulltrúar Herjólfs hafa samband við farþega sem áttu bókað í ferðirnar til að færa bókanir þeirra.

Tilkynning um siglingar síðari hluta dags verður gefin út fyrir klukkan 15:00. Herjólfur minnir jafnframt á að á þessum árstíma sé alltaf hætta á færslu milli hafna og því sé ekki æskilegt að skilja farartæki eftir í annarri hvorri höfninni, segir í tilkynningu frá skipafélaginu.