Fjölmargir hafa tjáð sig í athugasemdakerfi Eyjafrétta við frétt um lokun skurðstofu Heilbrigðisstofnunar Vestmannaeyja. Allir eru á einu máli, þetta eru hræðilegar fréttir fyrir íbúa Vestmannaeyja og kemur til með að skerða bæði öryggi þeirra og íbúaskilyrði almennt. Búið er að opna mótmælasíðu á facebook, Segjum „Nei“. Hér að neðan má sjá nokkur af þeim fjölmörgu athugasemdum sem skrifaðar hafa verið við fréttina og auk þess myndband sem Sighvatur Jónsson setti saman þegar lokun skurðstofunnar var mótmælt á Stakkó 2010, þar sem m.a. Eygló Harðardóttir, núverandi velferðarráðherra tók til máls og mótmælti lokun skurðstofunnar.