Kvennalið ÍBV í fótbolta mátti þola 0-3 tap, gegn Breiðablik, í níundu umferð Bestu deildar kvenna á Hásteinsvelli í kvöld. 

Breiðablik náði forystunni snemma leiks þegar Hrafnhildur Ása Halldórsdóttir átti fyrirgjöf á Líf Joostdóttir Van Bemmel sem kláraði framhjá Guðnýju Geirsdóttir, markverði ÍBV. 

Blikar komust í 0-2 á 19. mínútu leiksins. Sunna Rún Sigurðardóttir átti þá fyrirgjöf inn á teig ÍBV og Ólöf Sigríður Kristinsdóttir stangaði boltann í netið. Ólöf Sigríður var aftur á ferðinni fjórum mínútum síðar þegar hún skoraði aftur með skalla eftir fyrirgjöf frá Líf Joostdóttir Van Bemmel. Staðan 0-3 í hálfleik.

Fyrirliði ÍBV, Avery Vanderven, komst næst því að skora fyrir Eyjakonur í síðari hálfleik þegar hún náði að pota boltanum í átt að marki Blika en þær björguðu á línu. Olga Sevcova átti einnig fína skot tilraun frá vítateignhorninu en boltinn rétt fram hjá markinu. Engin mörk voru skoruð í síðari hálfleik. Lokatölur leiksins 0-3.

ÍBV eru eftir níu leiki í fjórða sæti deildarinnar með 14 stig. Blikar eru á toppnum með 21 stig, tveimur stigum á undan FH en þær spila á morgun gegn Val.

Úrslit kvöldsins:

ÍBV 0 – 3 Breiðablik
0-1 Líf Joostdóttir van Bemmel (‘8 )
0-2 Ólöf Sigríður Kristinsdóttir (’19 )
0-3 Ólöf Sigríður Kristinsdóttir (’23 )

Þór/KA 2 – 0 Þróttur R.

19:15 Stjarnan – Fram