Ýmsar framkvæmdir setja nú svip sinn á Vestmannaeyjabæ. Halldór B. Halldórsson fór á stjá og tók saman tveggja mínútna myndband þar sem flogið er yfir nokkra af helstu framkvæmdastöðum bæjarins.

Ferðin hefst við Sólhlíð, þar sem unnið er að gatnagerð. Þaðan liggur leiðin suður á Eyju, þar sem borað er eftir bergi sem nýta á við gerð nýs stórskipakants í Vestmannaeyjahöfn.

Þá er flogið yfir gatnagerð í Miðgerði áður en litið er við hjá Íþróttamiðstöðinni, þar sem vinna stendur yfir við nýja viðbyggingu.