Haraldur Halldórsson, starfsmaður Safnahúss Vestmanna­eyja, hefur undanfarna mánuði unnið hörðum höndum við að skanna tölublöð Frétta. Samstarfssamningur er í gildi milli Vestmannaeyjabæjar og Eyja­sýnar, sem gefur út vikublaðið sem í dag heitir Eyjafréttir en í náinni framtíð verður hægt að nálgast öll tölublöð Frétta og ­Eyjafrétta á vefsíðu blaðsins, ­Eyjafréttir.is og á Heimaslóð.is. Um er að ræða ærið verk, enda hafa verið gefnar út um 30 ­þúsund blaðsíður eða um 2000 tölublöð. Verkið er unnið undir handarjaðri Kára Bjarnasonar á Bókasafninu.