Herrakvöld fótboltans fór fram í Golfskálanum í gærkvöldi við afar góða stemningu. Kvöldið er orðið fastur liður í félagslífi knattspyrnuáhugamanna í Eyjum og var þátttaka góð að vanda.

Óskar P. Friðriksson, ljósmyndari Eyjafrétta var á staðnum og fangaði stemninguna í fjölda mynda sem fylgja fréttinni.

Dagskráin var fjölbreytt og skemmtileg þar sem veislustjórinn Bjarni Ólafur Guðmundsson hélt utan um kvöldið af sinni alkunnu snilld. Meðal ræðumanna voru Sigmundur Davíð Gunnlaugsson og Guðlaugur Þór Þórðarson sem ávörpuðu gesti.

Brynjar Níelsson komst ekki sjálfur til Eyja að þessu sinni en sendi í staðinn son sinn, Helgi Brynjarsson, sem sá um að halda uppi léttu og skemmtilegu andrúmslofti með uppistandi.

Gestum bauðst glæsilegt sjávarréttahlaðborð frá Einsa Kalda og Rikka kokki sem vakti mikla lukku. Þegar leið á kvöldið tók trúbadorinn Aron Dagur við og hélt uppi fjörinu fram á nótt.

Herrakvöldið hefur notið mikilla vinsælda undanfarin ár og hefur jafnan selst upp, og var engin undantekning á því að þessu sinni. Ljóst er að kvöld sem þetta skipa mikilvægan sess í menningar- og skemmtanalífi Vestmannaeyja. Sjá myndasyrpu frá kvöldinu hér fyrir neðan.