Guli furðuþorskurinn af Drangavík á vinsældatoppi mbl.is árið 2020

Eyjafréttir
·
Vinnslustöðin
·
10. janúar 2021

Frétt á Vinnslustöðvarvefnum um „gulasta fisk íslenska þorskstofnsins“ var birt í framhaldinu í 200 mílum á fréttavefnum mbl.is og reyndist sú mest lesna þar á bæ á öllu árinu 2020!. Þannig greinir mbl.is frá tíðindunum 10. janúar 2021.

Áhöfnin á Drangavík, VSV-vefurinn og Gunnar Jónsson fiskifræðingur skrá sig þar með sameiginlega í sögubækur ársins 2020 að þessu leyti. Dr. Gunnar fékk á sínum tíma í hendur myndir af heilgula þorskinum og eftir honum var haft á vsv.is:

„Margt skrítið hef ég séð um dagana en þetta er nú eitt magnaðasta helvíti úr sjó sem fyrir augu mín hefur borið um dagana. Þarna virðast Eyjamenn hafa veitt eina gulleintakið í þorskstofninum!“

Furðuþorskafréttir tengdar Drangavík VE voru reyndar tvær í sömu vikunni í því fáeinum dögum eftir að guli þorskurinn varð umræðuefni þjóðarinnar hringinn í kringum landið birtist á VSV-vefnum frétt um annan afar afbrigðilegan þorsk sem Drangavík dró úr sjó á sama stað við Surtsey í næstu veiðiferð.

Gunnar fiskifræðingur Jónsson er ekki beinlínis þekktur fyrir að verða kjaftstopp þótt mikið gangi á en þarna komst hann næst því um dagana en gat samt stunið upp um skjöldótta fiskinn:

„Þarna við Surtsey virðist vera vistheimili fyrir erfðafræðilega afvegaleidda þorska! Sannarlega verðugt rannsóknarefni.“

Gunnar Jónsson, sérgreinalæknir fisksjúkdóma hjá Matvælastofnun, tjáði sig líka um málið:

Ja, hvur skrambinn, þetta gæti verið hálfbróðir! Hér sannast enn og aftur að „sjaldan er ein báran stök“. Þessi vanskapnaður er af sama meiði og hinn. Hér vantar litafrumur í roðið en bara að hluta til. Akkúrat slíkar breytingar sjáum við af og til í bleikjum sem verða þá vel flekkóttar. Niðurstaða rannsókna á þeim leiðir í ljós ákveðinn erfðagalla en svo verða umhverfisaðstæður að vera með sérstökum hætti til að framkalla þennan „galla“.

Síðast en ekki síst varð skipstjóranum á Drangavík, Kjartani Guðmundssyni, að orði:

„Ábyggilega er mun líklegra að fá stærsta lottóvinninginn en að draga furðafiska um borð á sama stað í tveimur veiðiferðum í sömu vikunni. Held ég skili bara lottómiðanum mínum!“

Hér geta menn svo rifjað upp fréttirnar um furðufiskana tvo sem komust á spjöld sögunar árið 2020:

Nýjustu fréttir

Áhugavert

Hátt í 50 metrar á Stórhöfða

Bæjarmálin

Samgöngur við Eyjar settar í hættu?

Úr blaði Eyjafrétta

Gamla myndin – Kartöflugarðar í Eyjum

Fréttir

Landsbankinn og N1 bætast í hluthafahóp Eyjaganga

Áhugavert

Eló heldur tónleika í Eyjum

Vinnslustöðin

Þórunn Sveinsdóttir VE kveður Eyjar

Tímamót

Rauði krossinn í Eyjum fagnaði 85 árum með opnu húsi

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki