Kvennalið ÍBV í fótbolta  leikur í undanúrslitum Mjólkurbikarsins á morgun, föstudag, þegar þær mæta Þrótti Reykjavík á Avis vellinum í Laugardalnum. Stelpurnar tryggðu sér sæti í undanúrslitum með frábærum 3-2 heimasigri á FH, þar sem Allison Grace Lowrey, Allison Patricia Clark og Avery Mae Vanderven skoruðu mörkin fyrir Eyjakonur. 

ÍBV og Ísfélagið bjóða upp stuðningsmannaferð á leikinn og hvetja alla stuðningsmenn til að taka ferðina með þeim og hjálpa liðinu að tryggja sér sæti í bikarúrslitum. 

Dagskráin er hér að neðan:

• Herjólfur fer kl. 13:00
• Hittingur á Ölver fyrir leik
• Leikurinn hefst kl.  18:00
• Heimferð með herjólfi kl. 23:00

Hinn undanúrslitaleikurinn fer fram á laugardaginn kl. 17:00 á Lambhagavellinum. Þar mætast Fram og Grindavík/Njarðvík.