Í vikunni var dregið í fyrstu umferð bikarkeppninnar í körfubolta en ÍBV var nú skráð til leiks í keppnina en Eyjamenn hafa ekki tekið þátt síðustu ár. Þar sem ÍBV leikur í 2. deild þarf liðið að leika einn leik í forkeppni en þar dróst ÍBV á móti B-liði úrvalsdeildarliðs Hamars frá Hveragerði en leikurinn á að fara fram í Hveragerði um næstu helgi. Ef ÍBV vinnur Hvergerðinga þá mæta Eyjamenn stórliði Keflavíkur í Vestmannaeyjum í 32ja liða úrslitum.