Dregið var í 16-liða úrslitum Mjólkurbikars kvenna í höfuðstöðvum KSÍ í hádeginu í dag. Kvennalið ÍBV var í pottinum og þurfa þær að fara í langt ferðalag því þær drógust gegn Tindastól, á Sauðárkróki. 16-liða úrslitin verða leikin föstudaginn 15. maí og laugardaginn 16. maí. Tíu lið í 16- liða úrslitunum eru úr Bestu deildinni, fimm úr Lengjudeildinni og eitt úr 2. deild.

Kvennalið ÍBV fór alla leið í undanúrslit í Mjólkurbikarnum í fyrra þar sem þær töpuðu naumlega gegn Breiðablik 3-2.

16-liða úrslit Mjólkurbikars kvenna:

Valur – Grindavík

Selfoss – FH

Tindastóll – ÍBV

Þór/KA – Stjarnan

Keflavík – Víkingur Reykjavík

Fram – ÍA

Þróttur Reykjavík – Breiðablik

Fylkir – FHL