Skjalastjórnun var til umræðu á fundi bæjarráðs í vikunni sem leið. Lögð voru fyrir bæjarráð drög að skjalastefnu Vestmannaeyjabæjar. Skjalastefnan er hluti af átaki um bætta skjalastjórnun hjá Vestmannaeyjabæ og er unnin í samstarfi sviðanna þriggja, skjalastjóra og Héraðsskjalastjóra. Leitað var ráðgjafar frá fyrirtækinu Skipulag og skjöl ehf. um stefnumótun og innleiðingu, en sífellt auknar kröfur eru gerðar um gæði skjalastjórnunar og meðferð mála hjá opinberum aðilum. Stefnt er að rafrænum skilum mála í framhaldinu.

Bæjarráð samþykkir í niðurstöðu sinni drög að skjalastefnu Vestmannaeyjabæjar og felur stjórnsýslu- og fjármálasviði innleiðingu átaks í skjalastjórnun Vestmannaeyjabæjar, m.a. að endurskoða skjalalykil og að fræða forstöðumenn og starfsfólk um meðferð og skjölun mála.

SkjalastefnaVeyjarTillaga2023.pdf