- Eyjafréttir
- ·
- Fréttir
- ·
Ísfell býður upp á fjölbreytt úrval af vinnufatnaði
Verslun fyrirtækisins Ísfells í Vestmannaeyjum, sem staðsett er við Kleifarbryggju 4-6, hefur bætt við sig fjölbreyttu úrvali af vinnu- og sjófatnaði til viðbótar við þær vörur sem fyrir voru. Um er að ræða allt frá vinnuhönskum yfir í sjóstakka og sérhæfðan skóbúnað.
�??Hugsunin er fyrst og fremst að bæta fataúrval verslunarinnar til að geta þjónustað fyrirtækin í Vestmannaeyjum betur,�?? segir Björn Kristjánsson, verslunarstjóri Ísfells í samtali við Eyjafréttir. �??Við höfum verið sterkir í öllu tengdu útgerðunum fyrir utan fötin, þannig að við höfum bætt við okkur miklu úrvali af regn- og vinnufatnaði og það er svona aðal áherslan hjá okkur í verslunarrekstrinum núna.�??
Hingað til hefur Ísfell aðallega séð um viðgerðir, viðhald og uppsetningu neta fyrir bæði Ísfélagið og Vinnslustöðina en með þessari viðbót má segja að fyrirtækið sé að færa út kvíarnar. �??Til að byrja með vorum við aðallega með lása, króka og annað slíkt en mjög takmarkað úrval af fatnaði. Með þessari viðbót erum svolítið að víkka út starfsemina og má segja að við séum nú með alla flóruna fyrir útgerð,�?? segir Björn að endingu.
