Jarl stefnir á 4. sæti lista Sjálfstæðisflokksins

Jarl Sigurgeirsson skólastjóri Tónlistaskólans í Vestmannaeyjum birti eftirfarandi tilkynningu á facebook síðus sinni í kvöld:

Í dag skilaði ég inn framboði mínu í prófkjöri Sjálfstæðisflokksins á suðurlandi sem fyrirhugað er 29.maí næstkomandi. Ég er búinn að velta fyrir mér lengi þessum möguleika og fann að ég hafði löngun til að taka mitt næsta skref í pólitísku starfi, auk þess sem ég hafði fengið talsverða hvatningu til framboðs. Ákvörðunin var ekki endanlega tekin fyrr en í dag og var það nokkuð stórt skref, en virkilega góð tilfinning að skila inn framboðinu.

Ég hef verið virkur í grasrótarstarfi Sjálfstæðisflokksins í Vestmannaeyjum í um 15 ár og er nú formaður fulltrúaráðs. Það var mikil upplifun fyrir mig á sínum tíma að koma inn í pólitískt starf og átta mig á hversu gefandi það er og einnig hversu miklu máli skiptir fyrir samfélög að viðhalda góðu pólitísku starfi. Gott pólitískt grasrótarstarf er að mínu mati nauðsynlegur grunnur allrar stjórnsýslu hvort sem er í héraði eða á landsvísu.

Mínar áherslur eru tengdar landsbyggðinni. Ég trúi því að ef við búum til jarðveg með viðunandi samgöngum, nettengingum, heilsugæslu og menningu þá komi störf með fólkinu þegar það velur sér búsetu. Sogkraftur höfuðborgarinnar fer dvínandi í takt við tæknibreytingar sem gera fólki kleift að velja sér búsetu eftir öðru en atvinnumöguleikum. Sú þróun sést vel á íbúatölum og fasteignaverði á landsbyggðinni í kring um höfuðborgina. Fólk sækir í auknum mæli í rólegheit, náttúrufegurð, tímasparnað og þægindi. Það er hlutverk þeirra sem fara með völdin að útbúa jarðveg landbsyggðarinnar þannig að fólk geti og vilji búa þar. Ég myndi gjarna vilja taka þátt í að móta þann jarðveg.

Ég óska eftir stuðningi Sjálfstæðisfólks á suðurlandi í fyrirhuguðu prófkjöri. Þar sækist ég eftir 4.sæti, sem við ætlum svo í framhaldi að gera að öruggu sæti þingmanns í kosningum í haust. Ég hlakka til að taka þátt í spennandi prófkjöri með frábæru fólki.

Nýjustu fréttir

Fréttir
Hvað kostuðu þjóðlendukröfur ríkisins í Eyjum?
Samgöngur
Bæjarráð ræddi stöðu dýpkunarmála í Landeyjahöfn
Menntamál
Birting á námsframvindu barna í lesskilningi, stærðfræði og lesfimi
Áhugavert
Undankeppni Stíls á morgun
Fréttaskýring
Versnandi afkoma bæjarins
Úr blaði Eyjafrétta
Nýtt líf og Leikfélag Vestmannaeyja
Fréttir
Tveir dæmdir eftir þjófnað úr dósagámi ÍBV
Fréttatilkynning
Aglow samvera í kvöld
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.