Lionsklúbbur Vestmannaeyja í samstarfi við  HS veitur hefur valið jólahús Vestmannaeyja árið 2022. Þetta er tuttugasta og þriðja árið sem jólahúsið er valið.  Í ár voru 22 húseignir tilnefndar og fyrir valinu varð hús Lindar Hrafnsdóttur og Jóns Örvars van der Linden  við Vesturveg 11 b.

Gunnar Andersen formaður Lionsklúbbs Vestmannaeyja afhenti hjónunum veglega  jólaskreytingu frá klúbbsfélögum  og  Sigurjón Ingi Ingólfsson  frá    HS veitum afhenti þeim áritaðan skjöld og inneignarbréf að upphæð kr. 25.000 upp í komandi orkureikning.

Jólahúsið nýtur sín einstaklega vel í nýföllnum snjónum og óskum við  húseigendum innilega til hamingju með útnefninguna og  óskum öllum  bæjarbúum gleðilegra jóla og farsæls komandi árs.

Lionsklúbbur Vestmannaeyja.