KAP VE Aflahæst netabáta 2023

Kap II VE-7 aflaði mest allra netabáta landsmanna á árinu 2023 og munaði umtalsverðu á Kap og Bárði SH-81 sem var næstaflahæstur netabáta. 

Á árinu 2022 var Bárður aflahæstur netabáta en Kap II kom þar á eftir en á nýliðnu ári höfðu bátarnir sem sagt sætaskipti. Í næstu þremur sætum eru sömu bátar í sömu röð 2022 og 2023.

Vinnslustöðin á Kap II, reyndar eina bátinn sem gerður er út á netaveiðar frá Vestmannaeyjum og í þeim efnum útgerðarsögu Eyjanna og landsins alls er sannarlega af sem áður var.

Vinnslustöðin gerði líka út Brynjólf VE á net en lagði honum á árinu 2022 og seldi til niðurrifs í Belgíu. Brynjólfur var engu að síður í 7. sæti á lista yfir aflahæstu netabáta árið 2022 og lauk þar með sögu sinni á Íslandsmiðum.

  • Tölfræðilegar upplýsingar um afla netabáta eru fengnar af þeim árvökula vef, aflafrettir.is, sem Gísli Reynisson í Reykjanesbæ á og ritstýrir af eljusemi.

Fimm efstu sæti á lista netabáta árið 2023 eru þannig skipuð:

Heildarafli, tonn veiðiferð   Landanir Meðalafli í veiðiferð
1. Kap VE-7 2.790,4 68 41,1
2. Bárður SH-81 1.801,3 72 25,1
3. Þórsnes SH-109 1.787,4 47 38,1
4. Erling KE-140 1.122,4 71 15,8
5. Jökull ÞH-299 720,4 14 51,5

Hliðstæður listi fimm efstu netabáta árið 2022:

Heildarafli, tonn Landanir Meðalafli í veiðiferð
1. Bárður SH-81 2.564,3 98 26,2
2. Kap VE-7 2.364,6 63 37,5
3. Þórsnes SH-109 2.074,7 44 47,2
4. Erling KE-140 1.738,3 136 12,8
5. Jökull ÞH-299 1.554,9 22 67,6

Kap II man tímana tvenna

„Kap VE II er langelsta skipið í flota Vinnslustöðvarinnar og hefur frá árinu 2017 verið á netaveiðum á okkar vegum á vetrarvertíðum. Skipið á þá sögu í grófum dráttum að vera smíðað í Stálvík 1967 og hét upphaflega Óskar Magnússon AK-177,“ segir Sverrir Haraldsson, sviðstjóri botnfiskssviðs Vinnslustöðvarinnar.

„Árið 1976 keypti Bessi sf. skipið til Vestmannaeyja, félag Einars Ólafssonar skipstjóra og Ágústs Guðmundssonar vélstjóra. Í apríl 1987 eignaðist Fiskimjölsverksmiðjan í Vestmannaeyjum Kap, fyrirtæki sem ásamt fleirum sameinuðust síðar undir merkjum Vinnslustöðvarinnar.

Kap VE á sér fortíð á síldveiðum og loðnuveiðum og skipið sjálft hefur tekið ýmsum breytingum í tímans rás, til að mynda verið bæði lengt og fengið nýja yfirbyggingu.

Sjálft útgerðarmynstrið hefur ekki síður tekið breytingum. Netabátar voru áður gerðir út í tugatali frá Vestmannaeyjum en nú er Kap hér ein eftir á netum.

Sömu sögu er að segja annars staðar á landinu. Þar er helst að nefna  nokkra staði á Suðurnesjum, Snæfellsnesi og á Norðurlandi þar sem netaveiði er enn stunduð í einhverjum mæli.“

Nýjustu fréttir

Aðsend grein
Veit Inga hvað hún syngur?
Aðsent
Norðurinngangur við sjúkrahúsið opinn á ný
Hvíslið
Viðhorf til bæjarstjóra í brennidepli í nýrri könnun
Fréttir
Vinnustofur í stað líkamsræktar?
Myndband
Glacier Guys með nýtt föstudagslag
Sjávarútvegur
„Úttroðinn af loðnu”
Myndband
Fréttapýramídar afhentir fyrir nýliðið ár
Fréttir
Karlar hvattir til að sýna handverk
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.