KFS tryggði sér í dag sæti í úrslitakeppni 4. deildar með stærsta sigrinum í sögu félagsins. Eyjamenn lögðu Afríku að velli á Þórsvellinum, 14:0 en Hjalti Kristjánsson, þjálfari liðsins skoraði síðasta mark leiksins úr vítaspyrnu. Hjalti er þar með elsti markaskorari Íslandsmótsins frá upphafi og jafnframt elsti leikmaður Íslandsmótsins frá upphafi en Hjalti er á 55. aldursári. Hann bar að sjálfsögðu fyrirliðabandið eftir að hann kom inn á en þetta var fyrsta meistaraflokksmark Hjalta á annars nokkuð löngum ferli.