Áskrift
Kvenfélagið Líkn 110 ára
Við vinnu á Líknarkaffi

Þann 14. febrúar árið 1909 boðaði Halldór Gunnlaugsson héraðslæknir til fundar í Góðtemplarahúsinu í Vestmannaeyjum á þessum fundi var kvenfélagið Líkn stofnað. Stofnendur voru 25 konur í Vestmannaeyjum í dag eru 119 konur í félaginu. Þegar rýnt er í bækur og blöð sem segja sögu þessa félags, hafa margir kvennskörungarnir tekið þátt í starfinu og mörgu komið í verk.

Þegar félagið var stofnað var lífið annað og erfiðara. Upphaflega stefnumál þess voru að líkna og hlynna að bágstöddum sjúklingum, markmiðin hafa ekki mikið breyst en þróast. Starfsemin hefur farið um víðan völl í gegnum árin þó megin stefnumál félagsins sé alltaf að láta gott af sér leiða til stofanna sem þurfa á að halda og þeirra sem eiga um bágt að binda. Líknarkonur hafa einnig verið virkar í menningarlífinu, héldu í mörg ár leiksýningar, tóku þátt í þjóðhátíð Vestmannaeyja stóðu fyrir karnivali og fleirra.
Basarinn þeirra og 1.des kaffið er fyrir löngu orðið þekkt og hafa þær síðustu ár fyllt höllina í árlega kaffinu, enda ekki furða, starf þeirra er góðmennskan út í eitt og þarna fá fleirri tækifæri til að láta gott af sér leiða. Árlega standa þær fyrir vorsöfnun og merkjasölu í maí, en þetta hvoru tveggja eru fjáraflanir til að geta rétt hjálparhönd. Þær hafa síðan séð síðustu ár um kaffi Vinnslustöðvarinnar á sumardaginn fyrsta og svo áður nefndan basar og 1. Des kaffi. Þær reyna líka að huga að innra starfinu og og eru duglegar að hittast og gera eitthvað skemmtilegt.

Þær hafa árokað miklu í gegnum árin
Þetta fórnfúsa starf sem kvennfélagskonurnar vinna í þágu líknar og velfarnaðarmála almennings er magnaður. Þær hafa árokað miklu í gegnum árin og sagði gjaldkeri félagsins Kristín Gunnarsdóttir að félagið hafi styrkt einstaklinga og stofnanir eins og HSU, Hraunbúðir, Sambýlið og fleiri um rúmar 16 milljónir á síðustu þremur árum.

Starfsemin gæti varla gengið nema fyrir velunnara í bæjarfélaginu
Arna Huld Sigurðarsóttir hjúkrunardeildarstjóri hjá HSU í Vestmannaeyjum sagði í samtali við Eyjafréttir ekki alls fyrir löngu að stofnunin væri öll sem hún er vegna velunnara í bænum. „Starfsemi stofnunarinnar gæti varla gengið nema fyrir tilstuðlan velunnara í bæjarfélaginu. Þær gjafir sem kvenfélagið Líkn hefur fært spítalanum í gegnum árin hafa verið ómetanlegar,“  sagði Arna Huld. Starfsfólk og sjúklingar njóta því góðs af þeirri óeigingjörnu vinnu sem Líknarkonur leggja á sig til að bæta öryggi okkar Eyjamanna. Anna Huld gekk í félagið fyrir tveimur árum og sagði aðalástæðuna vera málefnin sem þær taka fyrir. „Ég tel það forréttindi að fá að tilheyra svona flottum hópi kvenna sem vinnur af alúð og hlýju fyrir góð málefni, “ sagði Arna Huld að lokum.

Eigum við að láta gott af okkur leiða?
Ef konur vilja láta gott af sér leiða þá er alltaf opið fyrir umsóknum hjá kvennfélaginu Líkn. Það var miklu algengara hér á árum áður að konur gengu í kvennfélag, þá vildu flestar konur láta gott af sér leiða til bágstaddra og tækifæri til þess var í gegnum kvennfélag. Það er líklegast mjög góð tilfining að taka þátt í starfi sem er mannbætandi og hreinlega bjargar mannslífum.

Nýjustu fréttir

Aðsent
Saltfisksala hjá meistaraflokkum ÍBV
Íþróttir
ÍBV með mikilvægan sigur á ÍR
Fréttatilkynning
Kveikjum neistann: Jákvæðar vísbendingar
Aðsend grein
Hvattning til Eyjamanna
Vestmannaeyjabær
Heilsuefling starfsfólks fær aukið vægi
Fortíðarflakk
Handhafar Frétta-píramída 1992-95
Íþróttir
ÍBV sækir ÍR heim
Herjólfur
Siglt til Þorlákshafnar
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.