Ingimundarhátíðin er liður í tónleikaröðinni Tóna við hafið í Þorlákshöfn. Ingimundur Guðjónsson var menningarfrömuður í Þorlkáshöfn, stjórnaði Söngfélaginu, var organisti í kirkjunni og ein helsta driffjöður þess að kirkja var byggð í Þorlákshöfn.

Sonur Ingimundar heitins, Jónas, píanóleikari lék ásamt söngkonunni Auði Gunnarsdóttur og fluttu þau mörg falleg sönglög og byrjuðu á Draumalandinu eftir Sigfús Einarsson frá Eyrarbakka.

Biskup Íslands, herra Karl Sigurbjörnsson flutti stutt erindi í anda jólahátíðarinnar.