Laxeldi í Vestmannaeyjum – Hugmynd að verða að veruleika

„Þetta verkefni hefur verið í vinnslu í yfir þrjú ár og varð til þegar Daði og Hallgrímur hvor í sínu lagi gældu við þessa hugmynd, að þróa laxeldi hér í Vestmannaeyjum. Þeir náðu saman og verkefnið tók flugið. Ekki síst með stuðningi frá sveitarfélaginu, starfsmönnum Vestmannaeyjabæjar og nú er hugmyndin að verða að veruleika.

Við erum komin með flest þau leyfi sem þarf til að hefja framkvæmdir og framleiðslu á fiski til framtíðar,“ sagði Lárus Ásgeirsson, stjórnarformaður Icelandic Land Farm Salmon (ILFS) sem er að reisa í laxeldisstöð í Viðlagafjöru í Vestmannaeyjum og seiðaeldisstöð í botni Friðarhafnar. Er Ásgeir  einn stofnenda með Daða Pálssyni og Hallgrími Steinssyni sem eru í stjórn með honum.

„Það sem heillaði mig, þegar ég kom að þessu var þessi ástríða frumkvöðlanna að byggja upp eitthvað til frambúðar í Vestmannaeyjum og styrkja stoðirnar. Vestmannaeyjar eru ein stærsta verstöð á Íslandi og það sem við erum að horfa til er matvælaframleiðsla með fyrirsjáanleika og stöðugleika með framleiðslu alla daga ársins. Getum selt og afhent vöruna eftir pöntunum.“

Dæminu snúið við

Lárus sagði það tákrænt að eftir að hafa sótt fisk í sjó í aldir væri nú verið að taka sjóinn og framleiða matvæli á landi. Eftirspurnin er fyrir hendi og sjóinn fá þeir úr borholum í fjörunni. „Fiskstofnar eru fullnýttir og það verður ekki sótt meira magn í sjóinn. Nú er þessu snúið við með því að nota sjóinn og stjórna framleiðslunni. Við erum stórhuga og ætlum að reisa hér mikil mannvirki en við stefnum að því að láta það falla vel inn í landið. Starfsemin verður græn þar sem allar afurðir verða nýttar og líka allur úrgangur,“ sagði Lárus að endingu.

Mynd: Sigurjón og Lárus ásamt aðstendum verkefnisins og hluta af fjölskyldu Sigurjóns sem var viðstatt þegar hann tók fyrstu skóflustunguna.

Nýjustu fréttir

Sjávarútvegur
Lagt til að ráðist verði í könnunarveiðar á humri
Fréttir
Vel heppnaðri loðnuvertíð lokið
Stjórnmál
Jón Þór leiðir lista Miðflokksins – Sæunn er bæjarstjóraefnið
Herjólfur
Fyrri ferð föstudags felld niður
Íþróttir
Elliði Snær markahæstur gegn Svíum
Fréttir
Laxey á Seafood Expo North America
Úr blaði Eyjafrétta
Trúin og andlegt starf styrkur í sorginni
Íþróttir
Heimir heldur áfram með Írland – samningur til 2028
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.