Lífæð samfélagsins
31. ágúst, 2021
Njáll Ragnarsson

Öflugar samgöngur eru lífæð samfélagsins í Vestmannaeyjum. Þetta kom fram í skýrslu greiningardeildar Íslandsbanka árið 2019 þar sem mikilvægi siglinga til Landeyjahafnar eru tíundaðar. Frá því að höfnin opnaði fyrir um áratug hefur bærinn okkar tekið miklum breytingum, fjöldi ferðamanna aukist gríðarlega og mikil uppbygging átt sér stað í hvers kyns afþreyingu.

Bættar samgöngur koma ekki af sjálfu sér heldur hafa margir stórir sigrar unnist á undanförnum árum. Einn þeirra vannst þegar samið var um dýpkun Landeyjahafnar allan ársins hring. Dýpkunartímabilin gerðu það að verkum að hægt var að viðhalda dýpi hafnarinnar óháð árstíma og því var mjög brýnt að eyða þeim út.

Örar siglingar nýs Herjólfs milli lands og Eyja hafa nú aftur gerbreytt samfélaginu hér í Vestmannaeyjum, bæði fyrir íbúa og atvinnulíf. Ferðaþjónustan hefur tekið stakkaskiptum frá því sem hún var og mikil uppbygging átt sér stað á þessum tíma. Á degi hverjum spássera ferðamenn um götur bæjarins, njóta okkar fjölmörgu góðu veitingastaða og þeirrar afþreyingar sem í boði er hér í Eyjum. Þetta þarf að vera til frambúðar – við viljum ekki fara aftur í sama farið og sömu ferðatíðni og áður.

Síðast, en alls ekki síst, var það ákvörðun núverandi samgönguráðherra að jafna fargjöld hvort sem siglt væri til Þorlákshafnar eða Landeyjahafnar. Ég hef fullyrt, að sú ákvörðun var í raun ein stærsta kjarabót fyrir fjölskyldur í Vestmannaeyjum í langan tíma. Einföld ákvörðun sem skipti öllu máli fyrir íbúa í Eyjum.

Framundan eru stór verkefni er varða samgöngur við Vestmannaeyjar. Það á eftir að fullkanna hvort jarðgöng milli lands og Eyja séu möguleg. Það þarf að ákveða að hefja byggingu stórskipahafnar í Vestmannaeyjum. Það þarf að teygja á ferðamannatímanum þannig að hann hefjist fyrr á vorin og standi lengur fram á haustið. Og að lokum þurfum við að finna varanlega lausn á flugsamgöngum við Vestmannaeyjar, allan ársins hring.

Þetta eru stóru verkefnin framundan. Til þess að vinna stóra sigra þarf samgönguráðherra sem áttar sig á þörfum samfélagsins og hefur kjark til þess að taka stórar ákvarðanir.

Því er augljósa spurningin þessi: Er ekki bara best að kjósa Framsókn?

Njáll Ragnarsson

Facebook
X
LinkedIn
Pinterest
Reddit
Email
Print
Skoða blaðið á netinu
Forsida 5 Tbl EF
5. tbl. 2025

NÝBURAR

76e2af77 02d9 48eb B73a 24c32e2403ac
4. janúar 2025
Drengur
Landspítalinn, Reykjavík.
Katrín Rós Óðinsdóttir og Sæþór Örn Garðarsson.
Mest lesið
viðburðir
DSC 2106
8. júní 2025
13:00
Golfdagurinn í Eyjum
Tónleikar Kórs Vídalínskirkju í Landakirkju
8. júní 2025
17:00
Tónleikar Kórs Vídalínskirkju
Landakirkja
Fylgstu með

Skráðu þig á fáðu nýjustu tilkynningar fyrst

Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.