Á morgun, fimmtudag hefst Orkumótið, en búist er við yfir 1.000 þátttakendum auk fjölmargra gesta.

Af því tilefni hvetja lögregla og skipuleggjendur mótsins vegfarendur til að sýna aðgát í umferðinni, sérstaklega í nágrenni knattspyrnuvallanna þar sem búast má við miklu mannlífi og aukinni umferð.

Sérstaklega er vakin athygli á Hamarsvegi sem er aðal aðkomuleið að vallarsvæðinu. Bannað er að stöðva eða leggja ökutækjum á veginum þar sem slíkt getur skapað hættu fyrir gangandi vegfarendur, tafið umferð og skert aðgengi neyðar- og þjónustuaðila.

Ökumenn eru hvattir til að aka varlega, virða umferðarmerki og lagningarbann og sýna gangandi vegfarendum sérstaka tillitssemi, ekki síst börnum og ungmennum á leið til og frá leikjum.

Lögreglan verður með aukið umferðareftirlit á meðan mótinu stendur yfir og mun meðal annars fylgjast með hraða, lagningum, bílbeltanotkun og farsímanotkun við akstur, auk annarra þátta sem varða umferðaröryggi.